"ບາງເທື່ອແລ້ວເຈົ້າເອງກໍຈຳເປັນຕ້ອງອອກໄປທາງນອກ, ໄປຮັບອາກາດສົດ ແລະ ເຕືອນຕົວເອງສະເໝີວ່າເຈົ້າແມ່ນໃຜ ແລະ ໃຜທີ່ເຈົ້າຢາກເປັນໃນອະນາຄົດ."
ທຸກໆ
ມື້ທີ່ໃນໂລກທີ່ເຮົາອາໄສຢູ່ນີ້ ມີສິ່ງໜຶ່ງທີ່ເປັນສິ່ງທີ່ສຳຄັນ ແລະ
ສາມາດໃຫ້ຜົນປະໂຫຍດອັນດີໃຫ້ແກ່ເຮົາ ເຊິ່ງກໍໝາຍເຖິງຮ່າງກາຍຂອງເຮົາເອງ.
ຜູ້ຄົນສະໄຫມນີ້ມັກຈະລືມຄວາມສຳຄັນຂອງສິ່ງອ້ອມຂ້າງ ເພາະຄິດວ່າມັນບໍ່ໄດ້ຊ່ວຍຫຍັງ
ໂດຍສະເພາະແມ່ນການອອກໄປຫລິ້ນນອກບ້ານ, ໄປສຳຜັດບັນຍາກາດຕ່າງເຂດຕ່າງແຂວງທີ່ການພັດທະນາຍັງເຂົ້າໄປບໍ່ເຖິງ.
ຖ້າຫາກວ່າທ່ານເປັນຜູ້ໜຶ່ງທີ່ວ່າຢູ່ແຕ່ຢູ່ໃນຫ້ອງແລ້ວເປີດແອ
ຂໍບອກໄວ້ເລີຍວ່າທ່ານນັ້ນຄິດຜິດຫຼາຍໆ
ໂດຍສະເພາະການເຮັດແນວນັ້ນແມ່ນເຮັດໃຫ້ຮ່າງກາຍຂອງທ່ານເຮັດວຽກຫນັກກວ່າປົກກະຕິ ແລະ
ເຮັດໃຫ້ມີສຸຂະພາບທີ່ບໍ່ດີ.
ເປັນຫຍັງອາກາດສົດຈຶ່ງສຳຄັນ?
ຄຳຖາມນີ້ອາດຈະຂຶ້ນມາໃສຫົວຂອງທ່ານວ່າເປັນຫຍັງຫົວຂໍ້ນີ້ຈຶ່ງສຳຄັນ
ແລະ ເປັນຫຍັງທຸກຄົນຈຶ່ງຕ້ອງໃສ່ໃຈ ເຊິ່ງວ່າອາກາດສົດນັ້ນ
ແມ່ນມີຄວາມຈຳເປັນຕໍ່ທ່ານດັ່ງນີ້:
1. ອາກາດສົດຊ່ວຍໃຫ້ລະບົບຍ່ອຍອາຫານເຮັດວຽກໄດ້ດີ.
2. ຊ່ວຍລົດຄວາມກົດດັນຂອງເລືອດ
ແລະ ຊ່ວຍໃຫ້ການເຕັ້ນຂອງຫົວໃຈດີຂຶ້ນ.
3. ມັນເຮັດໃຫ້ທ່ານອາລົມດີຂຶ້ນ.
4. ຊ່ວຍເພີ່ມພູມຄຸ້ມກັນໃຫ້ແກ່ຮ່າງກາຍ.
5. ອາກາດສົດຊ່ວຍທຳຄວາມສະອາດປອດຂອງທ່ານ.
6. ມັນຊ່ວຍໃຫ້ທ່ານສະມາທິທີ່ດີຂຶ້ນ
ແລະ ສາມາດເພີ່ມພະລັງງານໃຫ້ທ່ານໄດ້.
6 ຄວາມສຳຄັນຂອງອາກາດສົດຕໍ່ຮ່າງກາຍ.
1. ອາກາດສົດຊ່ວຍໃຫ້ລະບົບຍ່ອຍອາຫານເຮັດວຽກໄດ້ດີ.
ອາກາດສົດເຮັດຫນ້າທີ່ທີ່ເປັນບົດບາດອັນສຳຄັນໃຫ້ແກ່ຮ່າງກາຍເຮົາ
ໂດຍສະເພາະໃນການຍ່ອຍອາຫານ. ຍ້ອນແນວນັ້ນມັນຈຶ່ງຈຳເປັນຫຼາຍທີ່ຫລັງຈາກເຮົາກິນເຂົ້າແລ້ວ
ກໍຄວນຈະອອກໄປຢ່າງສຸດອາກາດດ້ານນອກ
ເພື່ອໃຫ້ລະບົບຍ່ອຍອາຫານເຮັດວຽກໄດ້ຢ່າງມີປະສິດທິພາບ. ສິ່ງໜຶ່ງທີ່ມີຄວາມສຳຄັນຫຼາຍແມ່ນ
ການສ້າງນິໄສໃຫ້ເປັນແບບນີ້ເປັນສ່ວນໜຶ່ງທີ່ຊ່ວຍໃຫ້ຜູ້ທີ່ກຳລັງລົດຄວາມອ້ວນໄດ້ຢ່າງດີ.
2. ຊ່ວຍລົດຄວາມກົດດັນຂອງເລືອດ ແລະ
ຊ່ວຍໃຫ້ການເຕັ້ນຂອງຫົວໃຈດີຂຶ້ນ.
ຖ້າຫາກວ່າທ່ານເປັນຜູ້ໜຶ່ງທີ່ມີຄວາມກົດດັນເລືອດສູງ
ສິ່ງທີ່ທ່ານຄວນຈະຫຼີກລ່ຽງກໍແມ່ນການເອົາໂຕເອງໄປຢູ່ໃນເຂດທີ່ຄັບແຄບ, ແອອັດ ແລະ ເຂດທີ່ມີອາກາດເປັນພິດ.
ບຸກຄົນທີ່ມີອາການນີ້ ຄວນທີ່ຈະຢູ່ໃນເຂດທີ່ມີອາກາດສົດຊື່ນ
ແທນທີ່ຈະໄປຢູ່ເຂດທີ່ມີອາກາດເປັນພິດ ເພື່ອໃຫ້ຮ່າງກາຍຂອງທ່ານໄດ້ຮັບອອກຊິເຈນ (Oxygen) ໃນປະລິມານທີ່ພຽງພໍ.
3. ມັນເຮັດໃຫ້ທ່ານອາລົມດີຂຶ້ນ.
ປະລິມານຂອງສາຍເຊໂຣໂຕນິນ
(Serotonin) ທີ່ມີໃນຮ່າງກາຍນັ້ນແມ່ນຂຶ້ນກັບປະລິມານຂອງອອກຊິເຈນ (Oxygen) ທີ່ທ່ານໄດ້ຮັບ.
ສານໂຕນີ້ເປັນສ່ວນຊ່ວຍຄວບຄຸມອາລົມໃຫ້ທ່ານມີອາລົມທີ່ດີ ແລະ
ພັດທະນາຄວາມຮູ້ສຶກອັນເປັນດ້ານບວກໃຫ້ແກ່ທ່ານ. ຫຼາຍໄປກວ່ານັ້ນ, ອາກາດສົດເຮັດໃຫ້ທ່ານຮູ້ສຶກສົດຊື່ນ ແລະ
ຜ່ອນຄາຍ.
4. ຊ່ວຍເພີ່ມພູມຄຸ້ມກັນໃຫ້ແກ່ຮ່າງກາຍ.
ຂະບວນການໃນການຂ້າເຊື້ອໄວຣັສຕ່າງໆ
ຂອງແຊລເມັດເລືອດຂາວນັ້ນ
ແມ່ນຕ້ອງການອອກຊິເຈນທີ່ພໍດີເພື່ອທີ່ຈະຊ່ວຍໃຫ້ການເຮັດວຽກໃນສ່ວນນີ້ເປັນປົກກະຕິ
ພ້ອມທັງເຮັດໃຫ້ລະບົບພູມຄຸ້ມກັນເຮັດວຽກໄດ້ຢ່າງບໍ່ມີຂໍ້ບົກພ່ອງ.
5. ອາກາດສົດຊ່ວຍທຳຄວາມສະອາດປອດຂອງທ່ານ.
ອີກໜຶ່ງຫນ້າທີ່ທີ່ສຳຄັນຂອງອາກາດສົດຕໍ່ຮ່າງກາຍຂອງທ່ານແມ່ນ
ມັນເຮັດໜ້າທີ່ໃນການຂະຫຍາຍທາງເດີນຫາຍໃຈຂອງປອດ
ພ້ອມທັງທຳຄວາມສະອາດໃນຊ່ອງປອດຂອງທ່ານໃຫ້ເປັນປົກກະຕິ. ນອກຈາກນັ້ນແລ້ວ, ໃນຂະນະທີ່ທ່ານຫາຍໃຈອອກມານັ້ນ
ຮ່າງກາຍຈະນຳສົ່ງເອົາສິ່ງເສດເຫຼືອ ຫຼື ສິ່ງທີ່ເປັນພິດໃນປອດຂອງທ່ານອອກມາ.
6. ມັນຊ່ວຍໃຫ້ທ່ານສະມາທິທີ່ດີຂຶ້ນ ແລະ
ສາມາດເພີ່ມພະລັງງານໃຫ້ທ່ານໄດ້.
ນອກຈາກອາກາດສົດຈະຊ່ວຍໃຫ້ທ່ານມີອາລົມທີ່ດີແລ້ວ
ມັນຍັງຊ່ວຍໃຫ້ທ່ານມີກະບວນການການຄິດທີ່ດີຂຶ້ນ ແລະ
ເພີ່ມພະລັງງານດ້ານບວກຂອງຮ່າງກາຍທ່ານ.
ອາກາດສົດຊ່ວຍນຳເອົາຄວາມກະຈ່າງແຈ້ງມາສູ່ສະໝອງຂອງທ່ານ ເຮັດໃຫ້ທ່ານມີສະມາທິທີ່ໝັ້ນຄົງ, ຄິດສິ່ງຕ່າງໆ ໄດ້ມີປະສິດທິພາບຂຶ້ນ ແລະ
ແຈ້ງຂຶ້ນ.
ທ້າຍນີ້, ທຸກຄົນອາດຈະໄດ້ທຳຄວາມຮູ້ຈັກກັບຄວາມສຳຄັນຂອງອາກາດສົດໄປແລ້ວ ເຊິ່ງແນ່ນອນມັນບໍ່ໄດ້ມີພຽງແຕ່ເທົ່ານີ້. ຄວາມສຳຄັນຂອງສິ່ງໆ ໜຶ່ງມີຫຼາຍຢ່າງ ເພາະທີ່ຂ້າພະເຈົ້າໄດ້ຂຽນມາຂ້າງເທິງເປັນພຽງສ່ວນໜຶ່ງຂອງປະໂຫຍດຂອງມັນ. ຫວັງວ່າທຸກຄົນນັ້ນຈະໄດ້ຄວາມຮູ້ ພ້ອມທັງຄຸນຄ່າຂອງອາກາດສົດທີ່ມີຕໍ່ຄົນເຮົາ ແລະ ຫວັງວ່າ ທ່ານຈະແບ່ງເວລາເຮັດວຽກໜັກໆ ນັ່ງໃນຫ້ອງການເປີດແອ ອອກໄປສູດອາກາດບໍລິສຸດຂອງຕ່າງເຂດຕ່າງແຂວງ ເພື່ອຄຸນປະໂຫຍດຂອງຮ່າງກາຍຂອງທ່ານເອງ.
ຂໍຂອບໃຈ :)
ແຫຼ່ງອ້າງອີງຈາກເວັບໄຊ້: 6 Important Health Benefits